Palma Mallorca

Við lögðum á stað frá Cartagena kl fimm í gær og var stefnan tekin norðaustur og silgt var á fullu afli (18 hnútum)... og komum til Palma kl 8 í morgun. Siglinginn gekk vel. Skipið fer vel í sjó og hreyfist varla. Skipið er útbúið jafnvægisbúnaði “stabilizer”, það eru vökvaknúnir uggar neðanlega á skrokk skipsins, sem að snúast gegn við hreyfingu skipsins og sjá um að halda því stöðugu. Ekki mjög flókin búnaður en gerir rosalegt gagn.

Hér í palma er nátturlega algjört majorca veður, (enda er þetta á mallorca, haha). Ég lagði mig á tekk-klædda fordekkinu í hádegishléinu, og fékk smá roða fyrir vikið.

Það er alveg rosalega mikið af skútum og snekkjum hérna og nokkrar í sama stærðarflokki og “leander”. Ég tók smá bryggjurölt eftir vinnu og það var margt skoða. Ég á eftir að skoða mig betur um enda verður nægur tími til þess, við verðum að a.m.k tvær vikur hérna, og komum svo líklega aftur í lok sessonsins.

Fleira var það ekki að sinni
Bið að heilsa